အွန်လိုင်းမှာစာသင်ကြားပို့ချခြင်းမှ တစ်လလျှင် $66,000 ဝင်ငွေရရှိလာသော အသက် ၂၅နှစ်အရွယ်လူငယ်တစ်ဦး

အမေရီကန်နိုင်ငံမှာ ၂၀၀၈ခုနှစ်က iPhone စတင်ထွက်ပေါ်လာခဲ့စဉ်က Nick Walter ဆိုတဲ့လူငယ်တစ်ဦးဟာ ဂျပန်နိုင်ငံမှာ Mormon သာသနာပြုလုပ်ငန်းတစ်ခုမှာ စမတ်ဖုန်းတစ်လုံးမှမရှိဘဲ အလုပ်လုပ်နေခဲ့ပါတယ်။

တစ်နေ့သူအိမ်ပြန်လာတော့ သူ့ဖခင်က iPhone 4 ကိုသူ့အတွက်ဝယ်လာပေးပါတယ်။ “ဒါဟာ ကျွန်တော့်ဘဝမှာ apps တွေနဲ့ပထမဦးဆုံး သုံးစွဲဖူးတာပါ” လို့ သူကမှတ်မှတ်ရရပြောဆိုပါတယ်။ “ ကျွန်တော်ဒီဖုန်းကိုအလွန်ကြိုက်ပါတယ်။ကျွန်တော့်အဖို့အရူးအမူးဖြစ်ခဲ့ရပါတယ်။ အားလုံးကိုလုပ်ပေးနိုင်တယ်လေ” လို့သူကဆိုတယ်။


Walter ဟာ အဲဒိလိုစမတ်ဖုန်းကိုစတင်သုံးစွဲခဲ့ရပြီးနောက် Brighman Young University ကနေ Information Systems မေဂျာနဲ့ဘွဲ့ရရှိခဲ့ပါတယ်။ သူသင်ခဲ့ရတဲ့ဘာသာရပ်တွေမှာ Computer Science ရောBusiness ပိုင်းတွေပါ ပါဝင်ပါတယ်။ သူဘွဲ့ရပြီးနောက် coding တွေရေးသားဖို့လေ့လာခဲ့ကာ Utah ပြည်နယ်မှာရှိတဲ့ ဒေသခံ company များအတွက် iPhone apps များကို အလွတ်တမ်း ရေးသားခြင်းဖြင့်စတင်အလုပ်လုပ်ခဲ့ပါတယ်။

ဒီလိုနဲ့နောက်ထပ်လေးနှစ်ကြာလာတဲ့အခါ Walter ဟာ “The 4-Hour Workweek ” ဆိုတဲ့ စာအုပ်ကိုဖတ်ရှုခဲ့ရပြီး အချိန်သိပ်အများကြီးပေးစရာမလိုတဲ့စီးပွားရေးလုပ်ငန်းတစ်ခုကိုလုပ်ကိုင်ဖို့ စိတ်ကူးစိတ်သန်းရရှိခဲ့ပါတယ်။ အဆိုပါစာအုပ်ကိုရေးသားတဲ့စာရေးဆရာ Tim Ferriss က အွန်လိုင်းသင်ခန်းစာ တစ်ခုပို့ချဖို့ အကြံပေးထားပေမယ့် Walter အနေနဲ့ Apple က ဆယ်စုနှစ်တစ်ခုအကြာ မှစတင်ကြေငြာခဲ့တဲ့ programming အသစ်တစ်ခုဖြစ်တဲ့ Swift ဆိုတဲ့ language ကို မထုတ်ဖော်မီအထိ ဘယ်လိုမျိုး အွန်လိုင်းသင်ခန်းစာတွေ ပို့ချရမယ်ဆိုတာမသိခဲ့ပါဘူး။

“သူတို့(Apple) ကဒီ programming ကိုကြေငြာပြီးတဲ့နောက်ပိုင်း လူတိုင်းက အဲဒိ language ကိုသင်ယူဖို့ ကြိုးစားကြပါတယ်။ကျွန်တော့်ကိုယ်ပိုင်စိတ်သဘောထားအရ ဒီ language ကို အပျော်သဘောလေ့လာဖို့နှစ်သက်ပါတယ်။ဒါပေမယ့် တစ်ဖက်ကကြည့်ရင် ကျွန်တော့်မှာ အခြားသူတွေကို ဒီ language ကိုသင်ကြားပေးတဲ့ပထမဦးဆုံးသောလူတွေထဲကတစ်ဦးဖြစ်ခွင့်ရဖို့ အခွင့်အရေးရှိနေပါတယ်။ ကျွန်တော်လေ့လာသင်ကြားနေသလိုဘဲ သင်တန်းတစ်ခုကိုဖွင့်လှစ်နိုင်မယ်”လို့သူကဆိုပါတယ်။

Walterဟာ Apple ကထုတ်တဲ့ Swift programming language ရဲ့ documentation ကို ဖတ်ရှုလေ့လာဖို့ လေးရက်တာ အချိန်ပေးခဲ့ပါတယ်။ Apple က ဇွန်လ ၂ ရက်နေ့မှာ ထုတ်ဖော်ကြေငြာပြီးနောက်လေးရက်ကြာတဲ့အခါ Walter ဟာ ဗီဒီယိုသင်ခန်းစာပေါင်း ၅၀ ပါဝင်သည့် ပြီးပြည့်စုံသောသင်ခန်းစာတစ်ခုလုံးကို အွန်လိုင်းပညာရေး site ဖြစ်တဲ့ Udemy မှာတင်နိုင်ခဲ့ပါတယ်။ အဆိုပါသင်ခန်းစာကို Swift By Examples လို့ခေါင်းစဉ်တပ်ထားပြီး စတင်လေ့လာသူများအတွက် Swift ကိုမိတ်ဆက်ပေးတဲ့ course ဖြစ်ပါတယ်။

ပထမဆုံးလမှာ သူ့ရဲ့ course ကနေပြီး သူဟာ $45,000 ဝင်ငွေရရှိခဲ့ပါတယ်။လတိုင်းက ပုံမှန်ဝင်နေတာတော့မဟုတ်ပါဘူး။ နောက်လတွေမှာ $7500 ရရှိပြီးအဲဒိနောက် တစ်လကို $5000 သာရရှိခဲ့ပါတယ်။ သူ့ရဲ့ ဒုတိယသင်ခန်းစာဖြစ်တဲ့ How to Make iPhone apps ဆိုတဲ့ course ကို $199 နဲ့ မပို့ချမီလတွေမှာ $3000 ဝန်းကျင်သာဝင်ခဲ့ပါတယ်။အဆိုပါ သင်ခန်းစာကိုစပြီးတင်လိုက်တဲ့လမှာသူဟာ $66,000 ရရှိခဲ့ပါတယ်။ ဒါဟာ အများစုသောလူတွေရဲ့ပျမ်းမျှ တစ်နှစ်တာဝင်ငွေနဲ့ညီမျှပါတယ်။

“ကျွန်တော် 2010 Toyota Corolla ကားတစ်စီးဝယ်ယူခဲ့ပြီး ကျွန်တော်အသက်ကြီးလာတဲ့အခါ အရေးပေါ်သုံးစွဲနိုင်မယ့် ရံပုံငွေထူထောင်ဖို့ လိုအပ်တဲ့ငွေပမာဏကိုလည်းရရှိပြီဖြစ်ပါတယ်” လို့ Walter ကပြောပါတယ်။

ယနေ့အခါမှာတော့ လူပေါင်း 8500 အထက်က Swift ရဲ့ ပင်ရင်းသင်ခန်းစာတွေကိုသင်ယူနေကြပြီး 3500 နဲ့အထက်ကတော့ iPhone သင်ခန်းစာတွေကိုသင်ယူနေပါတယ်။ Walter ကနောက်သင်ခန်းစာတစ်ခုဖြစ်တဲ့ How to built apps for the Apple watch ဆိုတဲ့ Apple နာရီတွေမှာ apps တွေရေးသားနိုင်မယ့်သင်ခန်းစာကိုပို့ချဖို့ ပြင်ဆင်နေပါတယ်။ လူတိုင်းအတွက် သူ့လိုပဲ ဒီလို သင်ကြားပို့ချခြင်းဖြင့် ဝင်ငွေများစွာရရှိနိုင်မယ့် လမ်းကြောင်းတစ်ခုကိုဖော်ဆောင်နိုင်မယ့် အခွင့်အရေးတွေရှိနေကြောင်းသူကပြောဆိုခဲ့ပါတယ်။

Ref: Business Insider